સ્વાદ વધારવા માટે ઘણી વાનગીઓમાં મીઠા લીંબડાના પાંદડાનો ઉપયોગ કરવામાં આવે છે. પરંતુ શું તમે જાણો છો કે લીંબડીના પાન ખાવામાં સ્વાદ વધારે છે સાથે જ સ્વાસ્થ્યને પણ ઘણા ફાયદા આપે છે. હા, કારણ કે મીઠા લીંબડાના પાંદડા ઔષધીય ગુણોથી ભરપૂર હોય છે. મીઠી લીંબડીના પાનનું સેવન કરવાથી જાડાપણુ અને કોલેસ્ટ્રોલ તો કંટ્રોલ થાય જ છે, સાથે જ બીજી ઘણી સ્વાસ્થ્ય સમસ્યાઓ પણ દૂર થાય છે.
મીઠી લીંબડીના પાંદડામાં આયર્ન, કેલ્શિયમ, પ્રોટીન, વિટામિન બી1, વિટામિન બી2, વિટામિન સી, વિટામિન એ જેવા પોષક તત્વો હોય છે. આ સિવાય એન્ટી ડાયાબિટીક, એન્ટી ઓક્સીડેન્ટ, એન્ટી માઈક્રોબાયલ ગુણ હોય છે અને આ બધા તત્વો શરીરને સ્વસ્થ રાખવા માટે જરૂરી છે. તો ચાલો જાણીએ રોજ આ પાંદડા ખાવાથી શું ફાયદા થાય છે.
મીઠા લીંબડાના પાંદડા છે ગુણધર્મોથી ભરપૂર, રોજ ખાવાથી મળે છે આ ફાયદા:
આંખોને સ્વસ્થ રાખવા માટે મીઠી લીંબડીના પાનનું સેવન ફાયદાકારક સાબિત થાય છે. કારણ કે વિટામિન એ મીઠી લીંબડીના પાનમાંથી મળે છે, જે આંખોની રોશની વધારવામાં મદદ કરે છે. તેમજ આંખોને સ્વસ્થ બનાવવા માટે ઉપયોગ સાબિત થાય છે.
લીવરને સ્વસ્થ રાખવા માટે આ મીઠી લીંબડીના પાનનું સેવન ફાયદાકારક માનવામાં આવે છે. કારણ કે જો તમે રોજ મીઠી લીંબડીના પાનનું સેવન કરો છો તો તે લીવરની કાર્યશક્તિ વધારવામાં ખૂબ જ મદદગાર સાબિત થાય છે. જે લીવરને લગતા રોગોનું જોખમ ઘટાડે છે. આજકાલ મોટાભાગના લોકો વધતા વજનથી પરેશાન રહે છે, પરંતુ જો તમે વજન ઓછું કરવા માંગો છો, તો તમારે રોજ સવારે ખાલી પેટ કરી પત્તાનું સેવન કરવું જોઈએ, કારણ કે કરી પત્તાનું સેવન વજન નિયંત્રિત કરે છે.
પાચનની સમસ્યાથી પીડિત લોકોએ આ પાનનું સેવન કરવું જોઈએ. કારણ કે જો તમે ખાલી પેટે આ પત્તાનું સેવન કરો છો તો તેનાથી કબજિયાત, અપચો, પેટનું ફૂલવું અને ગેસ જેવી સમસ્યાઓમાં રાહત મળી શકે છે.
શરીરમાં વધતા જતા ખરાબ કોલેસ્ટ્રોલને ઘટાડવા માટે મીઠી લીંબડીના પાંદડાનું સેવન એક સારો વિકલ્પ છે. કારણ કે આ પાનમાં ભરપૂર માત્રામાં એન્ટી ઓક્સીડેન્ટ ગુણ હોય છે, જે શરીરમાં વધતા ખરાબ કોલેસ્ટ્રોલની માત્રાને ઓછી કરવામાં મદદ કરે છે.
ડાયાબિટીસના દર્દીઓ માટે લીંબડીના પાનનું સેવન ફાયદાકારક માનવામાં આવે છે. કારણ કે આ પાનમાં એન્ટિ-ડાયાબિટીક ગુણ હોય છે, ડાયાબિટીસના દર્દીઓ જો મીઠી લીંબડીના પાનનું સેવન કરે તો તે રકતમાં શુગરનાં સ્તરને નિયંત્રિત કરે છે. લીંબડીના પત્તામાં વિટામિન સી અને વિટામિન એ સારી માત્રામાં હોય છે, તેથી જો તમે કરી પાનનું સેવન કરો છો, તો તે રોગપ્રતિકારક શક્તિને મજબૂત બનાવે છે. જેના દ્વારા તમે વાયરસ અને બેક્ટેરિયાથી પકડાવાથી બચી શકો છો.