પાકેલા પપૈયાનું સેવન પેટ માટે સૌથી વધુ ફાયદાકારક છે. પરંતુ શું તમે જાણો છો કે પાકેલા પપૈયાની જેમ કાચા પપૈયાના સેવનથી પણ સ્વાસ્થ્યને ફાયદો થાય છે. જી, હા, કારણ કે પાકેલા પપૈયાની જેમ કાચા પપૈયામાં પણ પોષક તત્વો ભરપૂર માત્રામાં હોય છે.
કાચા પપૈયાનું સેવન કરવાથી સ્વાસ્થ્ય સંબંધિત અનેક સમસ્યાઓથી છુટકારો મળે છે. કાચા પપૈયામાં વિટામિન C, વિટામિન B, વિટામિન A, વિટામિન E, મેગ્નેશિયમ અને પોટેશિયમ ભરપૂર માત્રામાં હોય છે. જે શરીરને સ્વસ્થ રાખે છે.
કાચા પપૈયાનો ઉપયોગ કરવાની રીત:
કાચા પપૈયાનું જ્યુસ બનાવીને તેનું સેવન કરી શકાય. કાચા પપૈયાને ચહેરા પર લગાવી શકાય. કાચા પપૈયાનો ઉપયોગ શાક અને ચટણી બનાવવામાં પણ થાય છે. કાચા પપૈયાનું સલાડ તરીકે સેવન કરી શકાય છે.
કાચા પપૈયાના ફાયદા:
વજન ઓછું કરવા માંગતા લોકોએ કાચા પપૈયાનું સેવન કરવું જોઈએ. કારણ કે તેમાં ભરપૂર માત્રામાં ફાઈબર હોય છે, જે વધારાની પેટની ચરબી ઘટાડે છે. કબજિયાતમાં કાચા પપૈયાનું સેવન ફાયદાકારક છે. કારણ કે પાકેલા પપૈયામાં ભરપૂર પ્રમાણમાં ફાઈબર હોય છે, જે મળને નરમ બનાવે છે અને કબજિયાતની સમસ્યાને દૂર કરે છે.
પીરિયડ્સ દરમિયાન મહિલાઓને દુખાવા અને ખેંચાણની ફરિયાદ રહે છે, પરંતુ જો મહિલાઓ પીરિયડ્સ દરમિયાન કાચા પપૈયાના જ્યૂસનું સેવન કરે છે, તો તેનાથી દુખાવાની અને ખેંચાણની ફરિયાદો દૂર થઈ જાય છે.
કાચા પપૈયામાં વિટામિન સી ભરપૂર માત્રામાં હોય છે, તેથી તેનું સેવન કરવાથી રોગપ્રતિકારક શક્તિ વધે છે. જેના દ્વારા તમે વાયરસ અને બેક્ટેરિયાથી પકડાવાથી બચી શકો છો. કેન્સર જેવા જીવલેણ રોગનું જોખમ ઘટાડવા માટે કાચા પપૈયાનું સેવન ફાયદાકારક છે. કારણ કે કાચા પપૈયામાં રહેલા એન્ટી ઓક્સીડેન્ટ કેન્સરના કોષોને વધતા રોકે છે.
સાંધામાં દુખાવો અને સોજાથી પીડાતા લોકોએ કાચા પપૈયાનું સેવન કરવું જોઈએ તેનાથી દુખાવા અને સોજાની સમસ્યાથી છુટકારો મળે છે. કાચા પપૈયાનું સેવન પેટ માટે ખુબ ફાયદાકારક છે. તેમાં ફાઇબર હોવાથી તે પાચનતંત્રને મજબૂત બનાવે છે અને પાચન સંબંધિત સમસ્યાઓને દૂર કરે છે.
કાચા પપૈયાના ગેરફાયદા:
ગર્ભવતી મહિલાઓએ કાચા પપૈયાનું સેવનન કરવું જોઈએ. કાચા પપૈયાનું વધુ પડતું સેવન કરવાથી પાચન સંબંધિત સમસ્યાઓ થઈ શકે છે. કાચા પપૈયાના વધુ પડતા સેવનથી ઉલટી અને ઉબકા આવી શકે છે. ઘણા લોકોને કાચા પપૈયાથી એલર્જી હોય છે, તેથી તેનું સેવન કરવાથી માથાનો દુખાવો, ત્વચાની સમસ્યાઓ થઈ શકે છે.